O xuiz territorial Julio Martín García finou no día de onte por mor dunha enfermidade que agravouse nos últimos días. Dende a FGA lamentamos esta tan sensible pérdida e desexámoslle a toda a familia o noso apoio nestes momentos tan duros co desexo de facer dende estas liñas un pequeno homenaxe a toda a súa labor como xuiz do atletismo galego. Mañá venres ás 17:00 horas farase unha misa e posteriormente incinerarase o cadáver no tanatorio de Emorvisa en Vigo.

O vindeiro sábado a partir das 11,30 horas celébrase no Palacio dos Deportes da Coruña, o Campionato Galego Escolar alevín e infantil.
Neste campionato daranse cita os posuidores das 16 mellores marcas conseguidas na fases clasificatorias celebradas no Barco, Pontevedra, Santiago, Lugo, Ourense e A Coruña. Diptico  Listado de atletas confirmados por probas e clubes

Os xuvenís galegos competirán este fin de semana en Oviedo, no XXXIII Campionato de España xuvenil en pista cuberta, cunha representación na que predominan as mulleres.
Encabezando a lista de inscritos, a internacional do Barbanza, Lida Parada, en lanzamento de peso, proba na que tamén poden aspirar a medalla Belén Toimil e Tatiana Legaspi, ambas do Sierra Narón. É ademais a proba con maior presenza galega, xa que a elas súmanse Adrián Estévez e Luís González, do San Narciso de Marín, no peso de 5kg masculino.
Claramente destacada, Paula Ferreiros (Lucus), que parte en segundo lugar en salto de altura. Antía Martínez (At. Morrazo), en 60m valados, Sonia Beceiro (Narón) en pentatlón e Marta Casanova (Lucus) en 800m, defenderán as súas opcións a podio.
En canto aos mozos, Carlos Porto (RC Celta), en 1500m e Adrián Estévez (San Narciso), en peso, son os que chegan mellor situados. Iván Rodríguez Maceiras, do Suárez Marquier competirá en altura e lonxitude, e a lucense Alicia Merino, tamén dobrará en pentatlón e 60m valados.
Unha vez máis, nótanse as ausencias nas probas de velocidade, nas que Galicia apenas conta con figuras destacadas

Completan a representación galega Lorena Guitián(ADAS) salto de altura; Kevin López(Narón), tamén en altura; Carlos Moro(Riazor), en 60m valados; Miriam López(Lucus), en 60m lisos y Jessica Rial, del Barbanza en 400m

Máis de 40 atletas galegos que acadaron unha medalla nos distintos campionatos de España celebrados nestes meses nas diversas categorías e modalidades achegaranse mañá ás 17:30 horas á Secretaría Xeral para o Deporte sita no Estadio de San Lázaro en Santiago de Compostela para asistir a unha recepción convocada pola Secretaría Xeral para o Deporte. D. José Ramón Lete presidirá o acto que tivo unha gran acollida entre os atletas galegos.

O 14 de marzo, a partir das 11:00 horas da mañá, celébrase no Milladoiro (Ames) a I Carreira / Andaina Solidaria de Axuda a Haití, organizada polo Club de Atletismo Millaraio en colaboración co Concello de Ames e co control técnico da Delegación de Atletismo de Santiago de Compostela. As incricións poderán facerse no email da Delegación de Santiago ou no fax 981-191 559, farase un donativo de 3 euros por participante. Numerosas empresas e institucións estanse a volcar con este importante evento. Mais información Click Aqui

O martillista vigués do A.D. Marathon, Isaac Vicente Landín, foi seleccionado pola RFEA para formar parte do combinado español que participará na Copa de Europa de lanzamentos a celebrar en Arles, Francia, os días 20 e 21 de marzo.
O discípulo de José Manuel Hermida, que será o único atleta galego presente, ocupa o segundo lugar do ranking nacional, por detrás de Javier Cienfuegos, cunha marca de 68. 39m realizada o pasado 6 de febreiro en Vila Nova de Cerveira(Portugal), que lle deixou a escasos centímetros da mellor marca galega, que ten J. M. Almudí, en 68.58m. Ese será un destes obxectivos para esta competición

Galicia acodou tres medallas neste fin de semana no Nacional de marcha en ruta. O equipo junior masculino acodou a medalla de bronce, mentres que a título individual Rocio Carbia acadaba a medalla de bronce na categoría xuvenil e Manuel Treus na categoría veterán. Tamén salientar a magnífica actuación de Lorena Luaces, que pese a rematar na cuarta posición absoluta realizou un magnífico rexistro na proba dos 20 km marcha absoluta, parando o crono en 1.32.42, destacar que na clasificación senior quedou 3º levando medalla. Nestes momentos está posta unha reclamación por parte da FGA onde a selección cadete femenina podería optar á 3º posición, sumando así unha medalla mais para Galicia. Noraboa para todolos atletas que participaron!!

Chus Sanguos e Soledad Castro, ambalas dúas atletas do Comesaña Sporting Club proclamáronse campionas do mundo este fin de semana no Mundial de veteráns en Canadá. Chus Sanguos acadou o ouro na proba dos 60 metros valados W-55 mentres que Soledad Castro impoñíase no Medio Maratón. Noraboa para estas dúas magníficas atletas que continuan a acadar éxitos mais alá das nosas fronteiras!

Finalizado con gran brillantez o Campionato de España celebrado no circuíto da Torre, o balance para os atletas galegos cabe cualificalo de positivo. Foron nove as medallas alcanzadas polos nosos representantes. Na categoría Promesa debutou Sandra Mosquera, que obtivo a medalla de bronce, afianzando a súa extraordinaria progresión.En Veteranos, foron primeiros Xosé Otero en M-55; Julián Bernal en M-90 e Dolores García en W-55. A segunda praza foi para Antonio Soliño en M-55; Manuel Rosales en M-70 e Francisca Romasanta en W-60 e Manolo Vigo Otero..
.En terceiro lugar clasificáronse Enrique Landesa en M-65 e Xosé L. Merodio en M-60 Gran expectación durante a proba.
Moito público acudiu a presenciar a proba, o que unido á admiración que causou o vistoso, accesible e impresionante circuíto, fai albergar a esperanza de que A Coruña sexa sede dun Campionato de Europa a un non moi longo prazo. A presenza do Alcalde, Corporación Municipal, Secretario Xeral para ou Deporte e como non, a do Presidente da RFEA, realzaron a brillantez do Campionato. O Presidente da FGA expresou publicamente o seu agradecemento aos medios de comunicación e ao público que asistiu ao Campionato   Resultados    FOTOS

Un total de 4 medallas acadaron os junior que competiron este fin de semana en San Sebastán onde Leticia Fernanández (OAAP) en 1500 con 4.45.84 e Eva Costas (AFC) con 12,83 metros proclamáronse campionas de España junior en pista cuberta.
As medallas de bronce foron para Iria Abelleira (OAAP) en altura con 1,64 metros e o seu compañeiro de equipo Denis Galán en 60 valos con 8.24
Destacar a marca de Eva, que a pesar de non adestrar habitualmente fíxose co titulo no ultimo intento: Leticia Fernández cumpriu cos pronósticos, aínda que os seus discretos 4.45 foron suficientes para dominar os 1500 metros.
En xeral positivo Campionato para os nosos representantes ¡parabéns¡ Actuacción gallega

O sábado dia 6 en Jaen celebrar o Crtiterium Nacional de Lanzamentos, onde varios do noso lanzadores foron invitados pola RFEA para intervir na competición.
A actuación galega correu a cargo de Elena Estevez (RCC) en peso con 11,91 mtos., Ana Domínguez en Xavelina con 38,71. En martelo foron tres o noso representates Isaac Vicente lanzou 64,93, Cristóbal Almudi 61,78 e Ignacio Fernando 59,22. En xavelina Gustavo Dacal con 69,71, en peso e disco Victor Galego con 15,59 en peso e 48.42 en disco

O Secretario Xeral para o Deporte D. José Ramón Lete recibirá aos atletas galegos medallistas nos campionatos de España que se disputaron nesta tempada. O acto terá lugar o vindeiro xoves na sede da Secretaría Xeral en Santiago de Compostela ás 17:30 horas. A Federación Galega de Atletismo agradece á Secretaría Xeral para o Deporte  esta iniciativa e deferencia co atletismo galego e convoca aos atletas medallistas nos seguintes campionatos de España: absoluto, cadete, junior, promesa e veterán pista cuberta. Así como o nacional absoluto de campo a través individual e por clubes, e clubes veteráns, e o Campionato de España de marcha en ruta por seleccións, algúns destes se disputarán este fin de semana. Os atletas e clubes deben confirmar a súa presenza nesta recepción no correo electrónico do Secretario Xeral da FGA.

O prestixioso traumatólogo o Dr. Mariano Castiñeira será o médico oficial da Federación Galega de Atletismo no Campionato de España de campo a través. Mariano conta cunha gran experiencia no atletismo, moitas xeracións de atletas estiveron baixo a dirección de Mariano en Lugo. Castiñeiras posee a insignia de ouro da FGA pola súa dedicación ao noso deporte. Dende a FGA agradecemos enormemente esta colaboración de Mariano neste relevante evento que afrontará a selección galega o vindeiro domingo. 

San Sebastián acollerá este fin de semana o Campionato de España junior en pista cuberta, ao que acudirán varios atletas galegos.
As opcións a medalla son esta vez escasas. Leticia Fernández(OAAP), no seu primeiro ano de junior, parte coa mellor marca en 1500m, ademais de ser 4ª no 800m. Iria Abelleira(OAAP) en pentatlón e altura, Leticia Gil(ADAS) en altura e Denís Galán(OAAP), en 60m valos poderían meterse en postos de podio. Eva Costas (Fem Celta), vixente campioa de lanzamento de peso, volve tras unha lesión, e ocupa o 5º lugar.  inscritos

Dez galegos entre os mellores do sector
Finalmente serán dez os atletas galegos que compitan este fin de semana na XV Reunión de Lanzamentos Cidade de Xaén. Da lista inicial con oito galegos invitados, non acode José Manuel Vila, pero hai que sumar a Ignacio Fernández e Cristobal Almudí, ambos os lanzadores de martelo, ademais de Fernando Tallón, en xavelina.
Os bos resultados nesta competición supón o pasaporte para a Copa de Europa de lanzamentos a celebrar en Arles, Francia, os días 20 e 21 de marzo  incritos

Catro serán os equipos que representarán a Galicia en Ibiza o sábado día 7, en categoría cadete e junior, masculino e feminino, na disputa do LXXIX Campionato de Federacións Autonómicas de marcha en ruta.
A selección galega contará con quince atletas de distintos clubs de toda a comunidade que destacaron esta tempada, como Armando Pereira( RCC), Rocío Carbia(OAAP), Marisol Diz(CUNTIS) ou Adán García(RIA), Como acompañantes, o responsable do sector, Javier Vázquez, e o adestrador Juan Luís Ramilo.

Galicia foi campioa en só catro ocasións: cadete masculino, en 2000, e cadete feminino en 2000, 2001 e 2005  Mais Información  Selección Galega

O pasado venres 26 de febreiro celebrouse en Cangas, na sede da Casa Consistorial, unha xuntanza na que participaron a Concelleira de Deportes dese concello, Toñi Queimaño; o Presidente da Federación Galega de Atletismo, Isidoro Hornillos; o Delegado federativo de Vigo, Eleuterio García e Santi Pérez, Vicepresidente e Director Técnico do Club Atletismo Ourense Academia Postal. No transcurso da mesma abordouse como asunto central a utilización das pistas de atletismo, propiedade do Concello de Cangas, en horario matinal. Na actualidade, por mor das limitacións no número de quendas do persoal laboral municipal e da demanda atlética de usuarios, esta instalación permanece aberta só polas tardes, pero pechada os días laborais polas mañás.  Esta situación imposibilitaba que algún atleta, como o internacional José Afonso Palomanes, unha das máis firmes promesas do atletismo galego, puidese exercitarse xunto ao seu adestrador persoal, Mario González, en xornadas matinais. Finalmente acadouse un acordo satisfactorio a través dun convenio entre o Concello de Cangas e a Federación Galega de Atletismo que asegura a utilización das pistas de atletismo en horarios matinais a aqueles atletas galegos que posúan un contrastado nivel de rendemento deportivo.  A Federación Galega de Atletismo desexa destacar a positiva disposición da Concelleira de Deportes de Cangas, Toñi Queimaño, que respondeu favorablemente ás demanadas expresadas polo ente federativo, actitude que agradeceu o Presidente Isidoro Hornillos.

Novamente constátase a actividade do adestrador galego Mariano García-Verdugo a nivel internacional. A RFEA ven de facer pública a selección española que participará no Campionato do Mundo de pista cuberta, maila que non hai ningún atleta galego neste selecto listado de 14 deportistas, si está presente o adestrador e Director da Escola Galega de Adestradores D. Mariano García-Verdugo que viaxará nos vindeiros días ata Doha para asistir aos atletas de medio fondo. Parabéns por este importante éxito!! Selección española

Este fin de semana en Valencia celebrouse o Campionato Absoluto de pista cuberta contando ca participación de numerosos atletas galegos.
Xornada sábado mañá:
A primeira atleta galega en competir foi Virginia Villar nos 60 metros valados, e non tivo ningun problema para meterse na seguinte rolda ao facer 8.94. Alvaro Contrera, David Gómez e Santiago Ferrer comezaron en heptathlón e logo desta xornada onde comptieron nos 60 metros lisos, lonxitude, peso e altura, o mellor clasificado é Alvaro permanecendo en segunda posición con 3111 puntos, David ocupa a 9º praza con 2687 e Santi con 2300 puntos esta na 12ª posición.Tamen participou Paula Ferreiros do (SFL) na altura logranco marca persoal con 1,64 metros.

Xornada sábado tarde:
Gran actuación galega na tarde do sábado, onde se acadaron tres medallas. Luís Moro (ADAS) proclamouse Campión de España absoluto ao vencer na proba de pértega. Luís comezou o concurso a partir de 5 metros, que superou ao primeiro intento, ao igual que os 5,20 e 5,40  (novo record galego absoluto) para facerse co titulo.
Gran tempada a protagonizada pola atleta do Comesaña, Marta Fernández que logrou a medalla de prata nos 3000 metros cunha excelente marca de  9.27.19, preto do seu mellor rexistro de 9.26.60.
Repite metal da tempada pasada Jean Marie Okutu de SGP, ao facerse co bronce en lonxitude cun rexistro de 7,52 metros, mellorando a marca de 7,44 do ano anterior no campionato.
Polo que respecta aos galegos que participaron Begoña Garrido métese na final de 400 ao gañar a súa semifinal con 55.49. Victor Riobo tamén lograr meterse na final de 1500 con 3.47.14, entrando por tempo, mellorando a súa mellor marca da tempada. Tamén competiron Alexandre Sola na final de pértega, onde ocupou a 9º praza con 4,70 metros. Non foi o dia dos vallistas, pois Denis Galan con 8.54 non foi suficiente para entrar en semifinais e Virginia Villar en semifinais retirouse

Xornada domingo:
Dúas novas medallas para os galegos a cargo de Alvaro Contreras (RCC) en heptathlon con 5472 puntos (MMT) que lle valeu a medalla de prata, e a outra medalla foi para Begoña Garrido Barro en 400 metros con 54.95, rexistro que a situó en terceira posición. Nesta ultima xornada interviñeron Victor Riobo en 1500 ocupando a novena posición con 3.57.28, José A. Palomanes non puido entrar na loita pola medallas, xa que o seu rexistro de 15,18 relegáronlle á sexta posición. Polo que respecta a David Gómez nas combinadas non superou os 5000 puntos e a puntuación de 4.948 levoulle á sexta praza, outro galego Santiago Ferrer que competia en heptathlon deixou a proba a partir de retirarse nos 60 valos.

No global do campionato, excelente os galego que sumaron un total de 5 medallas (1 ouro, 2 pratas e 2 bronces) ¡parabéns¡

Actuaccion galega

Unha vintena de atletas galegos de todas as categorías e as catro modalidades de lanzamentos, desprazáronse o sábado 20 á localidade portuguesa de Vilanova de Cerveira, como xa é habitual cada inverno, buscando realizar marcas persoais e comprobar o seu estado de forma. Os habituais Torneios de Lançamentos ofrecen aos lanzadores unha atractiva alternativa ás escasas competicións que nesta época celébranse en Galicia, e a acollida por parte da organización, é envexable. Por iso, os técnicos como Santiago Ferrer, José Manuel Hermida, Javier López Viñas e J. Angel Serantes adoitan acudir cos seus atletas, como nesta ocasión.
Tras a xornada do día 6, que supuxo moi boas marcas para os martillistas Isaac Vicente, Ignacio Fernández e Pablo Denís, esta vez destacaron as mozas. Sara Arousa, lanzou o martelo a 47.41m, e Noelia Ferradanes, junior, a 47.22m, o que lle supón marca persoal. Xunto con Laura Graña, 41.46m, as tres do At. Feminino Celta, encabezan o ranking galego. Angeles Filgueira alcanzou 41.46m coa xavelina e Elena Estévez fixo 12.03m en peso. En mozos, destacar aos atletas do San Narciso, Borja Ave, 51.50m en xavelina e Adrián Estévez, disco e peso, ademais de Pablo Denís.
A próxima cita, a nivel autonómico, é o sábado 27 nas pistas do Centro de Tecnificación Deportiva de Pontevedra co Criterium de lanzamentos, reservado aos primeiros do ranking galego 

En Haro disputouse na mañá de hoxe o Campionato de España de campo a través por clubes. Os galegos fixeron unha moi boa actuación, o potente equipo junior masculino do Atletismo San Miguel de Oia acadou unha praza para subir ao podium ca medalla de bronce. Por outra parte, a Sociedade Gimnástica de Pontevedra clasificouse en 4ª posición no cross corto,  mentres que as mulleres do Comesaña Sporting Club estiveron a piques de acadar o podium ao rematar tamén en 4ª posición por escasos puntos do tercer clasificado.  Por último salientar a actuación das atletas  xuvenis  do Val Miñor que acadaron unha meritoria 7ª praza.Resultados

Nas pistas da Universidade de A Coruña celebrouse o sábado e o domingo o Campionato Galego de Probas Combinadas. Pese a mala climatoloxía reinante en Galicia, os atletas máis polifacéticos loitaron por mellorar os seus rexistros e especialmente por acadar o metal mais apreciado. David Ferrer da Sociedade Gimnástica de Pontevedra con 3378 puntos e Iria Abelleira do Ourense Atletismo Academia Postal con 2845 puntos son os novos campións galegos absolutos de probas combinadas de inverno. Nas restantes categorías proclamáronse campións: Jorge Moro  e Marta Lolo con (cadete), Sonia Beceiro e Carlos Moro (xuvenil), Iria Abelleira e José I. Tomás (junior) e David Ferrer (promesa). Noraboa a todos eles! Resultados

No pasado sábado no Salón de Actos da Secretaría Xeral para o Deporte tiveron lugar distintas reunións dos Comités que integran a Federación Galega de Atletismo, así como a Asemblea Xeral Ordinaria 2009. Ao longo de mais de 5 horas reuniuse a Xunta Directiva e Comisión Delegada para tratar importantes pilares da xestión da Federación Galega de Atletismo. Aprobáronse os documentos relativos ás contas da FGA, a liquidación provisional 2009 e o proxecto de orzamento 2010, tamén se trataron as propostas presentadas polos asembleistas e o calendario de competicións, un calendario que cada ano contén un maior número de probas resultando cada vez mais complexo distribuir adecuadamente as competicións sen que exista, ás veces, un solapamento de probas. Xa na sesión de tarde tivo lugar a Asemblea Xeral Ordinaria. Nela aprobáronse os orzamentos e a liquidación provisional, así como o calendario e tratáronse os rogos e preguntas suxeridos polos participantes nesta importante reunión da FGA. O presidente agradeceu enormemente a presenza de todos os membros que se achegaron ata Santiago para traballar por un atletismo mellor na nosa comunidade. Tamén destacou as renovacións que haberá na xestións das federacións deportivas galegas, propostas pola Secretaría Xeral para o Deporte, como é o código do bo goberno das federacións ou ás auditorías obrigatorias, e que a Federación Galega de Atletismo xa fixera no pasado exercicio  de forma voluntaria. O informe da auditoría reflicte a boa xestión que se está a facer dende esta federación, destinando practicamente un 83% do orzamento para os gastos das actividades atléticas. Tamén salientar que aprobouse unha proposta de remitir á Secretaría Xeral para o Deporte un documento que reflicte as necesidades e convenios sobre o uso de instalacións atléticas da Comunidade Autónoma de Galicia, de maneira que ningún atleta federado se vexa obstaculizado para o desenvolvemento da súa actividade atlética e que todolos concellos e institucións que teñan unha pista de atletismo ou módulo aseguren o seu mantenemento e o dote do material básico para a práctica do noso deporte.  Nesta proposta remitida, tiña prioridade a remodelación das pistas de atletismo de Balaídos, a través da creación dun módulo e dotación de material para a instalación, ademais de outros proxectos.

No circuíto dos Cantóns da Coruña, celebrouse hoxe o Campionato Galego de Marcha en Ruta. O frio reinante non foi obstáculo para que un bo numero de marchadores se achegaran ata o clásico circuito urbano dos Cantóns.
A competicición comenzou ca proba de 3 Km. marcha na categorías alevin-infantil, e o atleta do Cuntis Daniel Chamosa  fíxose co triunfo cun rexistro de 15.39 (nova mellor marca galega infantil) e a súa compañeira de equipo Carmen Fontes con 16.52 fíxose co titulo infantil. En alevíns Brais Prieto con 16.54 e Antia Chamosa con 18.47, ambos do Cuntis, foron os vencedores.
Ás 11,30 horas  deuse a saída aos cadete cun percorrido de 5 Km e os 20 Km, para a categoría aboluta., sendo a vencedora Marisol Diz (Cuntis) con 26.50 e Adan Fabregas (RIA) con 27.34 os campións galegos. Na carreira de 20 km. o vencedor foi José Fernandez con 1.42.0 pero sen opción ao titulo, ao ter licenza pola Universidade de Oviedo, sendo Manuel Xullo Angeira do RCC quen se proclamou campión cun rexistro de 1.46.0.
A seguinte carreira foi a de 2 Km. coa participación dos benxamíns, onde se proclamou campión Roberto Vieiro do Cuntis con 14.48.
Rematando a competición coa saída dos 10 Km., resultado ser unha carreira moi vistosa, houbo diversas descalificacións, e os catro atletas que marchaban nos primeiros postos finalmente foron descalificados. A primeira atleta en cruzar a liña de meta foi a favorita Lorena Luaces do OAAP cun tempo de 48.02, logrando a segunda praza Eva Iglesias (Bidezabal) con 49.00 e en terceira posición Rocio Carbia (OAAP) con 53.44. En homes o podium estivo composto por Manuel Treus (SGP) con 53.37, Daniel Abeledo (ASN) con 53.59 e Antonio Reboiro (Lucus) con 54.54  Resultados     FOTOS

Tras a disputa da primeira xornada do Campionato de España Promesa que se celebra en Sevilla,os atletas galegos acadaron dúas medallas de prata e un bronce. As medallas de prata correron a cargo do atletas da SGP , Jean Marie Okutu cunha marca de 7,35, a segunda prata foi para Sandra Mosquera do Comesaña en 3000 con 9.40.45 e o bronce acadouno o pertiguista Alexandre Sola do Ourense Atletismo Academia Postal  en pértega con 4,90 metros.
En referencia aos demais galegos que competiron nesta xornada, en velocidade participou Maximino Rodriguez do RCC en 60 metros que non conseguiu meterse na final ao facer en semifinais 7.20, tampouco entrou na final de 800 Alberto Chaves con 1.57.93. No referente aos saltos,  Pablo Comendador en lonxitude acadou un rexistro de 5,22 ocupando a 10ª praza. Tampouco Lucia Pérez en triplo acadou entrar na final, obtendo unha marca de 11,33 . En 3000 metros Paula Mayobre ocupou a 5ª praza con 10.05.70. 
 

Domingo 2 Xornada
Nesta segunda xornada tres novas medallas para os galegos. En combindas Santiago Ferrer da SGP conseguiu a medalla de prata cun puntuación de 4.727 puntos, sendo cuarto Telmo Beceiro do Sierra Narón con con 4.280. Se a xornada do sábado non foi propicia para os noso saltadores, na mañá de hoxe José A. Palomanes(OAAP) fíxose coa prata en triplo con 15,50 quedando a catro centimos do ouro, o bronce foi para Jean Marie Okutu (SGP) con 14,95.;  en 60 valos Carlos Iglesias non puido meterse na final ao quedar 6º en semifinais con 8.77.
En resumo, boa actuación dos nosos promesas ao facer un total de 6 medallas, acadando a SGP a sexta na táboa por puntos de clubes, ocupando o posto 25º o OAAP, e o RCC o posto 32º, 43º para o Sierra Narón e 53º para o Ria Ferrol.

Resultados

Novamente o prestixioso adestrador galego Mariano García-Verdugo, director da Escola Galega de Adestradores, foi convidado para compartir os seus coñecementos internacionalmente con outros adestradores.   A Federación Polaca de Atletismo remitiu un convite a Mariano para impartir un curso sobre a metodoloxía do adestramento en modalidades de resistencia basado no modelo Diper. Mariano viaxará a Varsovia nesta semana e impartirá docencia xunto ao recoñecido adestrador polaco Tadeusz Kepka, dende o venres ao domingo. A  FGA desexalle o mellor nesta importante actividade formativa! Web Federación Polaca Atletismo

Fantástica actuación do xoven atleta galego Alfonso Palomanes. O atleta do Ourense Atletismo Academia Postal batiu novamente o record galego en triple salto de pista cuberta, Palomanes clasificouse na terceira posición no Gran Premio Ciudad de Zaragoza  cun mellor salto de 15,76, superando o seu anterior record sito en 15,61 m. Noraboa para Alfonso e todo o seu equipo de profesionais! Tamén interveu na proba de pértega Luís Moro que logrou exceder o liston en 5,00 metros, o que vén demostrar que a súa grave lesión esta esquecida.

O fin de semana non puido resultar máis exitoso para os cadete galegos desprazado a Oviedo para a dispusta do Campionato de España en pista cuberta da categoría.
Se na primeira xornada do sabado o balance foi de tres medallas a cargo de Ana Peleteiro do Barbanza en lonxitude con 5,31 logrando o titulo de campioa, acompañandola no podium coa medalla de prata Marta Lolo do Coruña Comarca con 5,18 e a terceiro metal conseguiuno Raquel Villa do Vila de Cangas en peso con 11,21 logrando a medalla de bronce. Nesta xornada tambien competiron Maria Gonzalez do ADAS en altura, logrado a quinta praza con 1,51. Novena praza a Pablo Castro en peso con 12,56. Miguel Otero do Cuntis fíxose coa 8º posición en 3000 metros con 9.35.83. En velocidade a nova atleta do Coruña Comarca, Patricia Carballo demostrou a súa gran clase logrando meterse na semifinal de 60 coa mellor marca das participantes con 8.02, logrando a mellor marca galega. Tambien se metio en semifinais Martin Seijo do Marineda con 7.64.
Xornada de Domingo 
As boas noticias continuaron nesta xornada e Ana Peleteiro, Iria Delgado e Marta Lolo lograron un triplete historico ao facerse coas tres primeiras posicións en triplo salto con 11,46, 10,97 e 10,90 metros Ademais Ana fai dobrete co titulo conseguido o sabado en lonxitude e a súa marca de 11,46 é nova mellor marca galega.
Para finalizar a gran actuación galega. Patricia Carballo fíxose co titulo en 60 metros con 7.94 mellorando a mellor marca galega nas categorías cadete e xuvenil.
A FGA felicita a todos os atletas desprazados polo éxito conseguido. ¡parabén¡  Resultados

A FGA solicita a colaboración do atletismo galego para os nenos saharuis este sábado no Campionato Galego Absoluto. Froito das conversas cunha ONG de axuda a nenos saharauis e marroquís, a FGA fai un chamamento a todolos membros do atletismo galego que desexen entregar material deportivo ou prendas deportivas que non utilicen para os nenos mais necesitados. Polo que este sábado ubicaremos na secretaría unha caixa para que todos aqueles que desexen contribuir depositen as prendas ou material que non utilicen.

Na Circular 13-2010 convócase a todolos membros da asemblea a vindeira xuntanza que terá lugar o día 13 de febreiro no Salón de Actos da Secretaría Xeral para o Deporte en Santiago de Compostela.  Nese mesmo día tamén celebraranse numerosas xuntanzas dos diversos estamentos atléticos: Comisión de clubes, adestradores, atletas, xuices e Xunta Directiva e Comisión Delegada. O prazo de remisión de propostas remata o vindeiro venres día 5 de febreiro.

Un total de 23 persoas participarán este sábado na primeira xornada formativa da tempada 2009/10 organizada polo NAR Coruña. As xornadas direxidas polo adestrador Raimundo Fernandez abordarán numerosos aspectos relacionados co adestramento nos lanzamentos. Ás 10:00 horas terá lugar unha charla sobre a Didáctica e metodoloxía do adestramento de disco posteriormente farase unha sesión práctica vinculada ao disco e xa na tarde impartirase a Didáctica e metodoloxía do adestramento en xavalina , tamén con parte práctica. Ás 20:00 horas  terá lugar a entrega de diplomas aos asistentes.

O Secretario Xeral da FGA, Victor Arufe no trancurso do dia de hoxe, leu e defendeu a súa tese doutoral na Facultade de Ciencias da Educación, obtendo a cualificación de "sobresaliente Cum Laude". A súa tese con título "Estudo da toxicidade producida pola suplementación de ferro en ratos. Pautas nutricionais en nenos e xóvenes deportistas para unha correcta optimización da actividade física saudable"   aporta  un novo coñecemento científico no eido da suplementación deportiva, non rexistrándose apenas estudos nesta liña de investigación. O traballo que demorou 6 anos, foi dirixido polo Dr. Jose Luis García Soidán (Universidade de Vigo) e o catedrático en mediciña o Dr. Jose A. Duarte (Universidade de Oporto). Desde a FGA felicitamos efusivamente ao novo Doutor da Actividade Fisica e Deporte.

En Monterrei disputáronse as Campionatos de Cros na categoría Cadete e Xuvenil, asi como o Galego de Cros curto de Clubs e o Memorial Alejandro Lorenzo de Campo a través da categorías menores.
Campionato Galego Cadete - Xuvenil
Celebrouse conxuntamente as dúas categorías e en homes o podium estivo composto por Carlos Porto (RCC) Gonzalo Basconcello (SMO) e David Santos (USC) na categoría xuvenil . Logrando o Ria Ferrol , San Fernando Lucus e Universidade de Santiago polos medallista.
En mulleres o titulo foi para Camila Alonso (RIA), Jenny Fernandez (VMÑ) e Marta Casanova (SFL) as que se subiron ao podium. Por equipos foi o vencedor o San Fernando Lucus, Val Miñor e Sierra Naron os que subiron ao podium.
En categoría cadete, o vencedor foi Miguel Otero (CUN), Javier Castro (USC) e Xavier Legaspi (Elite) en homes, logrando o ouro por equipos o San Fernando Lucus, ADAS Prionor e o Vila de Cangas. En mulleres Eva Cid (VMÑ) a vencedora, seguida de Sara Jove (ASN) e Violeta Porteiro (ADAS)
Campionato Galego de Cros curto por clubs
Na categoría masculina fíxose co Titulo a Sociedade Gimnastica de Ponbtevedra, acompañandoles no podium polo Ourense Academia Potal e o Coruña Comarca. O vencedor individual foi o atleta do Ourense Hassan Lekhili
En mulleres as atletas do Comesaña non tiveron rivais, xa que as tres primeiras federadas foron atletas do seu club, sendo Marta Fernandez a vencedora. Por equipos o Comesaña fíxose co titulo, sendo segunda o Ria Ferrol, logrado a terceira posición o Ourense Academia Postal  Resultados

No final da semana pasada recibíamos a triste noticia do falecemento de D. Ramón Sanchez Ferreira, ex-atleta galego de nivel internacional. Ramón, foi un dos atletas vigueses mais destacados no panorama do atletismo galego, o pasado venres foi enterrado en Vigo. Dende a Federación Galega de Atletismo desexamos transmitir o noso apoio a toda a familia deste gran atleta e persoa.

O domingo 17 celebraranse catro campionatos galegos. O circuito de Monterrei en Ourense acollerá o Campionato Galego de cross corto, o Campionato Galego de campo a través cadete e xuvenil individual e por clubes e o Memorial Alejandro Lorenzo. Espérase unha gran participación e deste campionato saerán os equipos que participarán no Campionato de España de campo a través por clubes. A Delegación da FGA en Ourense , que xa conta con moita experiencia na organización deste evento, asumirá unha tempada mais a xestión deste campionato. Cadete-Xuvenil-Cross corto       Cross Alejandro Lorenzo    CIRCUITO  TRIPTICO

 Por outra banda, en Coruña, celebrarase o Campionato Galego de inverno junior e promesa, agás as probas de 1500 e 3000 m.l. promesa. Este evento que estaba previsto para o pazo de deportes de Riazor viuse modificado por mor da folga de traballadores de instalacións deportivas e se disputará ao longo do domingo no estadio de Elviña. Tamén celebrarase en Elviña un control de marcas aberto a todolos atletas absolutos. Clubes   Pruebas   Horario

Unha tempada mais a Federación Galega de Atletismo organizará a Gala Anual do Atletismo Galego  co obxectivo de recoñecer os éxitos acadados polos clubes, atletas, adestradores e xuices galegos na pasada tempada 2008/09, asi como recoñecer o apoio brindado por distintas institucións e empresas ao atletismo galego. A mesma terá lugar no Auditorio Municipal do Concello de Ourense o vindeiro venres día 29 de xaneiro. O inicio está previsto para ás 19:00 horas. Todolos membros da familia atlética están convidados a presenciar este importante acto. Haberá perto de 100 premiacións así como a elección dos mellores atletas galegos. En breve circularase mais información.

Os atletas promesas, senior e veteráns que non participen no Galego de cross corto e que desexen disfrutar da modalidade de campo a través, poderán achergarse ata Monforte de Lemos para disputar o Campionato de campo organizado a través do Concello de Monforte e a Delegación da FGA en Lugo.  O mesmo terá lugar a partir das 11:00 horas no Campo de Tiro das Lamas. As  inscricións estarán abertas ata as 24:00 horas do venres día 15. Mais información na web da Delegación de Lugo.

Este venres ás 20:00 horas no salón de Actos da Casa da Cultura de O Milladoiro terá lugar unha charla informativa e orientativa para pais e nais así como técnicos deportivos e xóvenes. A charla será impartida por Juan Pablo Fernandes, Licenciado en Ciencias do Deporte e Educación Física e un dos mellores atletas mediofondistas galegos na actualidade. Mais informacion sobre o evento  Web  Curriculum Ponente

Hoxe tivo lugar en Vigo unha xuntanza entre o presidente da FGA, D. Isidoro Hornillos e o representante de Caixanova D. Jorge Santos. A reunión foi fructífera para o atletismo galego, xa que unha tempada mais, a Federación Galega de Atletismo seguirá contando co apoio de Caixanova para favorecer así a creación de mais tecido atlético, apoiando á base e axudando ao desenvolvemento do Plan Galego de Tecnificación e as axudas aos atletas de alto nivel. Tamén salientar que SOGAMA igualmente continuará apoiando ao atletismo galego nesta tempada. O presidente continua a facer xestións con distintas entidades para intentar así acadar mais empresas e institucións colaboradoras co atletismo galego.

Todolos atletas que participaron no Torneo de Federacións celebrado na pasada tempada e que ainda non solicitaron o pago dos premios económicos existentes (6000 euros para o equipo masculino e 6000 euros para o equipo femenino), deben cumprimentar esta folla que se achega (publicarase no día 7) na súa totalidade, indicando o seguinte: Datos persoais, nº conta bancaria, sinatura e cuantía percibida.Posteriormente deben remitila por correo ordinario á maior brevidade posible. Para coñecer a cuantía que percibe a FGA contactará  na tarde do día 7 persoalmente por teléfono a cada un dos atletas que  ainda non solicitaron este pago.Folla de pagos

Un ano mais, continuarase co  exitoso Plan Galego de Tecnificación Atlética 2009/10. Ao igual que na pasada tempada neste documento recóllense todalas accións que a FGA fará co fin de aumentar o tecido atlético galego, entre eles; recoñecementos médicos completos gratuitos, becas a atletas galegos de alto nivel, concentracións, detección de talentos, etc. Todolos clubes e adestradores que desexen participar activamente neste plan poden solicitar o recoñecemento de distintos tipos de núcleos e disfrutar así das vantaxes que isto supón, en agradecemento ao seu labor desempeñado e traballo. Mais informacion Circular 1-2010

Todolos concellos, asociacións ou clubes que desexen organizar un Campionato Galego na súa localidade na vindeira tempada 2009/10 poden consultar a Circular 75-2009 donde atoparán os requisitos esixidos para que a súa localidade disfrute do mellor atletismo galego. Asemade, tamén está dispoñible na Circular 74-2009 o regulamento de carrerias populares que desexen acollerse á normativa vixente, incluíndose no calendario oficial da FGA e poidendo disfrutar de numerosas vantaxes. Por último a Circular 76-2009 acolle o modelo de solicitude para incorporar calquer trofeo de pista, ruta ou campo a través federado ao calendario de competicións. Todas estas solicitudes deben vir seladas co visto bo da Delegación territorial correspondente.

[CONSULTA O AVANCE DO CALENDARIO 2009/2010]